Posts
तिमी लाइ एउटा प्रश्न ?
पुरातन,र दासता भन्दा माथी
रामयण र स्वस्तानीको
कथा भन्दा माथी !
सभ्यताको शिखर किन चड्न सक्दैनौ ?
के तिमी सस्कार धान्ने
दन्त्य कथाको पात्र हौ ?
मत भन्छु ए! नारी !!तिमी !!!
नारी पुरुष दास्ताको प्रतिक होइन
नारी चुलो र चौकाको मात्र गहना होइन
नारी लोग्ने मान्छेको जिउनुको बहना होइन
नारी सन्तान प्रशोधनको मेशीन होइन
नारी बुहारी हुनुको अर्थ शिर झुकाउनु होइन
नारी स्वस्नी हुनुको अर्थ गोडा मोल्नु होइन
नारी छोरी हुनुको अर्थ चार दिवारमा रहनु होइन
नारी सभ्यताको नाममा नाँगिनु होइन
नारी उद्दयोगपतिको बिज्ञापनको ब्यापार होइन
अनी नारी !सौन्दर्यको नाममा !!
क्रिम गाजल पौडर र लिपस्टीक होइन
त्यसैले ए! नारीहो !!
कंक्रिट र फलामे जन्जिर लाइ तोडेर
कथीत पुरुष आज्ञा पालनको
अहंमकारी दास्वत्व र बर्ग मुक्तीको
पर्खाल लाइ फोडेर !
बर्गिय दुस्मनको जालो लाइ फाट्न
च्याङ्चिङ तावाचिन र जेनी बोनबोस्टफालीन हुन सिक
नारी हुनुको आत्मा ग्लानि लाइ
आफु भित्र बाट झिकेर फ्याँक !
द्वापर युगको गोपिनि र महाभारतको द्रौपदी होइन
ग्रह पदयात्राको युरीगागरीन हुन सिक !
पुरुष दास्वत्वको परिक्षा दिन
अग्नि ज्वालामा दन्किने सिता होइन
पासाङ ल्हामु जुनकोताइवे र तसलिमा नसरिन हुन सिक!
त्यसैले !!तिमीलाइ अझै एउटा प्रश्न ?
प्रश्न भित्रको तिमी र तिमि भित्रको प्रश्न
आफै खोज र उत्तर देउ । ए !नारी !!!
अर्पण तामाङ
हासपोसा-२तरहरा=सुनसरी
Subscribe to:
Post Comments (Atom)
No comments:
Post a Comment