Posts
होईनौ हामी !
निरास अनि रङ्ग बिहिन
भित्ता हरुमा टाँगिएका
क्यानभाशका श्वास बिहिन
चित्र होईनौ हामी !
जस्लाइ लाम लस्कर लागेर
आँखा गाडेर हेरी रहने
बन्द ढोका भित्र !
अगर बत्ति जलाएर
भाकलको घुष लिने
कुनै शिल्पिकारक मुर्ति होइनौ हामी
जस्लाइ मूल्यमा बेचिदिने !
जल,बायु र ताप अनुभब बिहिन
धर्ति होइनौ हामी !!
जस्लाइ कूल्चे थूके पनि सहिदिने
चिसो हिऊमा कठाँग्रिएर निरवत उभि रहने
चिसो मनको सगरमाथा होईनौ हामी
उसको छात्तिमा किला काँटी ठोक्दै
कुल्चेर आरोहण गरे पनि !
बिना भोक प्याश र चिन्ता बिना
कुम्भकर्ण झै लम्पसार निदमा
निदाउने कठोर पहाड होईनौ हामी
नत कुनै हौं हामी !
बन्चित स्वतन्त्रताको निम्ति
आत्मा जन्जिरले बेरिएका
म्यानमार का भिक्षु होईनौ हामी
स्वतन्त्रता!स्वतन्त्रता!! स्वतन्त्रता!! भन्दै !
चिच्याउने तिब्बती होईनौ हामी !
त्यसैले होसियार!
नयाँ नेपालका !पुराना नेता हरु !!
राष्ट्रको नाम मा जनता लाई
घात गर्न नखोज प्रतिघात हुन सक्छ !
अझै पनि तँ तँ म म गरउ भने
फेरि पनि देशले अर्को गणतन्त्रको
क्रान्ति गर्न सक्छ !!
नचाहेरै फेरि पनि देशमा
अर्को युद्ध हन सक्छ !!
शान्ति र गणतन्त्रको नाम मा
तिमीले गर्न नसकेको
जनताले अर्को !
अक्टोबर क्रान्ति गर्न सक्छ !!!
लेखक:- अर्पण तामाङ
हाँसपोसा-२तरहरा-सुनसरी
हाल-दोहा कतार
Subscribe to:
Post Comments (Atom)
No comments:
Post a Comment