तिम्ले जित्यौ मैले हारे

मुक्तक, 

तिम्ले जित्यौ मैले हारे तर कथा एउटै
जस्ले जिते हारे पनि मनको ब्यथा एउटै ।।
एकैछिन मा घाम लाग्ने एकैछिन मा पानी 
तिम्रो याद मा बाच्नु पर्ने कस्तो जिन्दगानी ।।

कही कतै मेरो पनि गल्ती हजार होलान
आफु लाई भुलाउने तिम्रो बजार होलान ।।
भाउ सोद्ला दुनियाँ ले पापी शहर होलान
फर्कि फर्की तिमी लाई हेर्ने नजर होलान ।।

भने जस्तो सजिलो कहाँ रैछ र भुलेर जिउन 
बरु देउ आफ्नै हातले सक्छु म जहर पिउन ।। 
फाटेको लुगा भए हातले सिउथे बरु जडौरी 
सकिन धुजा धुजा भै फाटेको मन सिउन ।।

दुई दिन्को खुशी लिएर आयौ जुरायो दैब ले 
छाती को मुटु चुडेर लग्यौ रुवायो दैब ले ।। 
कि दिनु साथ गोरेटो सङ्गै कि भेटै नहुनु 
सम्झना मात्र राखेर गयौ कुरायो दैब ले ।।