युद्ध को सङ्खघोस !!!

कबिता- युद्ध को सङ्खघोस !!!

हो, आज म !
एउटा युद्ध को
सङ्ख घोस् गर्छु ।

हिजो सम्म तिमी हरु ले
थरी थरि को युद्ध गर्यौ
थरी थरी को परिवर्तन को
सङ्ख घोस् गर्यौ
युग र ईतिहास बदल्ने हुङ्कार गर्यौ
समय परिबर्तित हरेक बर्ष
अलग अलग रुपमा
तर उस्तै
रगत हरु को खोली बगायौ
मुक्त आकाशको सपना देखायौ
र घरि घरि
एउटा नाटकिय युद्ध को
सङ्ख घोस् गर्यौ ।

हरेक युद्ध को
तिम्रो कुटिल एजेन्डा हमेसा उस्तै ।
तर अहँ ! अब यस्तो हुने छैन
म माथि उस्तै कुटिल जाल
फेरी फ्याक्ने छैनौ ।
मैले गरेको सङ्खघोस मा
मैले बलात्कार हुनु पर्दैन
तिम्रो यौन प्यास हरु मेटाउदा
उल्झिएको मेरो गर्व र सन्तान ले
अनागरिक हुनु पर्ने छैन
तिमी मेरो जवानी माथि स्खलित हुँदा
जन्मिएको मेरो सन्तान हरु
तिम्रो सर्बोच्च को न्यायिक कठघरामा
डि एन ए को परीणाम पर्खेर
तिम्रो बिर्य हुनु को नतिजा कुर्नु पर्ने छैन ।

किन कि ! मलाई थाहा छ ।
मैले दुई हात हरु जोडेर
तिम्रो पाउ हरु समाउदै
भगवानको नाममा छोडि दिन बिन्ती गर्दा
आफ्नै घरको बैनी सम्झी दिन आग्रह गर्दा
सुनेर पनि नसुने झै हिङ्स्रक बनेको
घाइते सिंह झै मलाई झम्टिदै
तिम्रो बिस बर्से यौन उन्माद हरु
मेरो कलीलो योनी सङ्ग युद्ध गर्दा
मेरो योनी छेदन भएर निस्किएको रगत बग्दा
मेरो कुमारीत्व भङ्ग गर्न पाएको मा
विश्वायुद्ध जितेको सम्झिएको थियौ होला
त्यसैले अब म !
एउटा युद्ध को सङ्ख घोस् गर्दैछु ।

मेरो युद्धले तिम्रो हरेक कुटिल्ता पर्दाफास गर्ने छ
त्यो बेला मेरो पोटिलो स्तन
कलिलो यौबन हरुले भरिएको योनी
र ! मेरो कसिलो शरीर चल्ने
तर मेरो जात नचल्ने
तिम्रो पाप र कर्तुत हरुको भन्डाफोर गर्नेछु
जात र धर्मकै आडमा मलाई
सयौ भिड हरुको बिचमा
बेस्या र कमिनी, दमिनी, सर्किनी को संघ्या दिदै
दानबिय तिम्रो कर्तुत हरु अब दन्डित हुनेछन
किन कि मैले युद्धको सङ्खघोस गरेको छु ।
हो आज तिम्रो मनोमानी
पुरातन बादी सोचको बिरुद्धमा
तिम्रो लिङ्ग हरुको छेदन गर्न
संसार बाट तिमी जस्तो
नरपिसाच हरुको अन्त्य गर्न
मैले कसम खाएको छु
किन कि तिम्रो बिरुद्धमा
आज सुर्यस्तको साँझ हुनु अघी
क्षितिज को रातो घाम अस्ताउनु अघी
सङ्ख हरुको बेजोड ध्वनी हरुले
हो, आज म !
एउटा युद्ध को
सङ्ख घोस् गर्छु ।

कान्छा भाई (योन्जन)
२९ मार्च २०१६
१६ चैत्र २०७२