तिम्ले किन नबुजे को ?

तिम्ले किन नबुजे को ?
मायाँ छ र त, 
याद आउँछ नि !
त्यै याद आउछ र त, 
सताउछ नि !
कती सजिलै भनी दिन्छौ 
सहज् बन 
तर कसरी सहज् हुन सक्छु र ?
भाको एउटा मुटु थ्यो 
त्यो पनि त तिमी संगै छ । 
अनी, कुन मुटु ले 
सहज, हुनु म । 
बरु भन !
कुन मुटुले बनिएकी छौ तिमी ।

रचना- कान्छा भाई (योन्जन) 

जिन्दगी यो कोही छ सडकमा

कबिता

जिन्दगी यो कोही छ सडकमा कोही छ महल्मा 
हिडि रहेछ कोही गोरेटोमा कोही छ कोलाहल्मा 
मन्दिर चर्च गुम्बा बनाउने हेर हात हरु यहाँ 
तिमी जस्तै मान्छे आज मर्दैछ बेहाल मा ।

सुन्दर छ जिबन दान गर मुठ्ठी खोलेर देउ 
गर सयोग खुला दिल्ले पुन्य तिमी लेउ । 
तिम्रो सानो हातले यदी उस्ले जिउछ भने 
पुछी देउ आशु दुई हातले बसी देउ उस्को छेउ ।

धर्म भन्दा कर्म ठुलो मानब भन्दा मानब्ता 
दाजी हेर दुबै धर्म कर्म छैन केही भिन्नता ।
यदी इस्वर भेट्नु छ भने धाउनु मन्दिर ब्यर्थ 
बाची हेर अरुको लागि छोडि देउ सबै स्वार्थ ।

रचना- कान्छा भाई (योन्जन) 
५ डिसेम्बर २०१५

आउँछे सुटुक्क अनी

:-एक-: 
आउँछे सुटुक्क अनी लाइक गरेर जान्छे 
केछ? सोद्न नभ्याउदै बाइ गरेर जान्छे । 
थाहै नपाई लोडसेडिङ को बिजुली जस्तो 
अचानक इन्बक्समा हाइ गरेर जान्छे ।
:-दुई-: 
ए ! बसन एकछिन त केको हतारो भन्दा 
फुर्सद छैन भरे आउँछु नाइ गरेर जान्छे । 
साईनो नलाई बोलाउँदा दङग हुन्छु मै पनि 
GF बनाउला सोच्दैथे दाई भनेर जान्छे । 
:-तीन-: 
गर्न गरी मोरिले साईनो सबै भाताभुङ्ग 
एकोहोरिएको दिलो दिमाख सबै लथालिङ् । 
साथी भाईको उक्साइमा FB खोल्या गाठे
धरोधर्म चलाऊदिन मान्छे फसाउने नाथे ।

रचना- कान्छा भाई (योन्जन)
५ डिसेम्बर २०१५

ए रात मेरो निन्द चोरी भयो

गीत-

ए रात मेरो निन्द चोरी भयो खोजी गरी ल्याइदेउन
अधेरीमा छकी रुमलियेको पवन भरी ल्याइदेउन । 
****************************************************
कित मलाई भुली सक्यौ कित अन्तै खुली सक्यौ
माया गर्ने माली पाउदा कित अन्तै फुली सक्यौ । 
ए बादल जलेको यो रात लाई बर्षा बनी रुझाई देउन
चोरी भाको मेरो निन्द खोजी गरी बुझाई देउन । 
*****************************************************
कित अन्तै जिउन सिक्यौ कित मलाई पराइ सोच्यौ 
मायाको जोड घटाऊमा कित मलाई हराइ सक्यौ । 
ए हावा बेगहानी उडेको मन लाई खोजी फर्काइ देउन
चोरी भाको मेरो निद लाई यो आँखामा फिर्ता देउन । 
*****************************************************
ए रात मेरो निन्द चोरी भयो खोजी गरी ल्याइदेउन
अधेरीमा छकी रुमलियेको पवन भरी ल्याइदेउन ।

रचना- कान्छा भाई (योन्जन) 
२८ नोबेम्बर २०१५

कैले तिम्रो गीतमा रुएँ

कैले तिम्रो गीतमा रुएँ 
कैले तिम्रो जित्मा रुएँ 
मुटु एेठन् पारेर मर्दा 
कैले तिम्रो प्रितमा रुएँ । 
***********************
कैले तिम्रो जवाफमा रुएँ
कैले तिम्रो अभाबमा रुएँ 
छोडि जाने धम्की सुन्दा 
कैले तिम्रो रबाफमा रुएँ । 
***********************
कैले आशुको शितमा रुएँ
कैले मायाँलु मितमा रुएँ
मायाँ गर्ने मुटु देखाउदा 
कैले तिम्रो हितमा रुएँ । 
**********************
कैले अँधेरी रातमा रुएँ
कैले झरेको पातमा रुएँ
मृत्‍यु जस्तो कुरा गर्दा 
कैले तिम्रो बातमा रुएँ । 
**********************
कैले तिम्रो साथमा रुएँ
कैले तिम्रो हातमा रुएँ
कालु भनी बोलाँउदा 
कैले तिम्रो यादमा रुएँ । 
*************************
रुएँ कती अझै कती रुनु छ 
बियोगमा परेली अझै कती धुनुछ 
तिम्रो स्पर्स बिनाको कती पल 
रोएरै कती रात म एक्लो हुनुछ । 
******************************

रचना- कान्छा भाई(योन्जन) 
२७ नोबेम्बर २०१५

यथार्थ

 यथार्थ

तिमी सधैं रोइ रहन्छौ 
म, हासी रहन्छु । 
किन कि !
संसारको सुन्दर चिज हरु 
सबै मेरा हौउन भन्छौ । 
जो पाइन्न, 
त्यसै लाई सम्झेर तड्पी रहन्छौ । 
तर म !
वास्तविकता भन्दा परको 
म कहिलेई आशा राख्दिन । 
यथार्थ लाई सधैं सुइकार गर्छु । 
बर्तमानमा जे छ, त्यसैमा खुशी हुन्छु ।
म साना साना खुशी हरु लाई संङालेर 
एकमुस्ट खुशी बनाउछु । 
हो, यही फरक छ तिमी र म मा 
तिमी भोलिको लागि तड्पिन्छौ 
म अहिलेको लागि रमाउछु 
त्यसैले म हमेसा भन्ने गर्छु 
तिमी काश....! भन्न छोड । 
at list खुशी हुन सिक । 
तिमी सुइकार गर !
यथार्थ र कल्पना, एक अर्काको 
प्रतिद्वन्दी हुन । 
तिमी, सधैं रोइ रहन्छौ । 
म, हासी रहन्छु ।

रचना- कान्छा भाई (योन्जन)
२६ नोबेम्बर २०१५

ए ! दुनियाँ !!!

ए ! दुनियाँ !!!
के बिगारेको थिएर तिम्रो 
जो हासो पछी पनि 
रुवाउछौ दुनियाँ 
जे थ्यो मेरो 
त्यो पनि खोसी दिन्छौ दुनियाँ 
टेक्ने एउटा बैशाखी थ्यो 
त्यो पनि भाची दियौ दुनियाँ 
रुन्थे उसै सँग 
हास्थे उसै सँग 
झगडा, घुर्काइ सबै उसै सँग 
त्यो पनि छिन्छौ किन दुनियाँ 
आउने जाने एउटा गोरेटो थियो 
त्यो पनि त तार, बारी दियौ दुनियाँ 
अब केनै बाँकी छ र कसर, 
लिन म सँग ? 
जे, जुन जती बाँकी थ्यो 
त्यो सबै त लिइ सक्यौ दुनियाँ 
जो मरे पछी पनि 
जलाई दिन्छौ दुनियाँ ।

रचना- कान्छा भाई (योन्जन) 
२५ नोवेम्बर २०१५

अलिकती मैले जस्तै

गजल-

अलिकती मैले जस्तै मदहोसी पिये हुन्थ्यो 
मायाँलुको नशा भित्र बेहोसी जिये हुन्थ्यो ।

सक्दिन म अन्त काली मुटु साटी हिंड्न 
फाटे बरु मन्को रहर त्यो तन्ले सिये हुन्थ्यो ।

माना पाथी जोखी हेर कमी भए ताराजु मा 
उन्नान्सय भए मायाँ एक थपी दिए हुन्थ्यो ।

मरुभुमी ठान्दो हौला भिजेको छु पिरती मा 
दिल्को प्यास मेटाउने एक प्याला लिये हुन्थ्यो ।

रचना- कान्छा भाई (योन्जन) 
२५ नोवेम्बेर २०१५

ए ! दिपशिखा !!!

ए ! दिपशिखा !!!
तिमी आफु जलेर 
अरु लाई उज्यालो दिदा 
तिमी त खुशी हुनु पर्ने होइन र ? 
तर !!!
तिमी आफु जल्दा 
तिम्रो शरीर बाट किन ???
यि मैन हरु 
पग्लिएर झर्दैछन ???
मैन बत्तिले बोल्यो,
जस्को दिलमा ठाउँ दियो 
जब ऊ नै बिछोडिएर, 
जान्छ भने ! 
आशु त निस्की हाल्छ नि । 
हो, म ! सोचमग्न भए
साच्चै कोही बिछोडिन्छ त,
पिडा त हुन्छ नै, 
आज कयौ दिन देखिको 
उस्को अघोसित, अनुपास्थितिमा 
म पनि हरेक रात रोइ रहेको छु । 
केवल !
मैन बत्ती अनी म !

कान्छा भाई (योन्जन)

यहाँ सपना हरुमा

मुक्तक-

एक- 
यहाँ सपना हरुमा, डडेलो लागेर 
रहर हरु, उजाड बनेका छन । 
सम्झना का, महल हरु ढलेर 
कल्पना हरु, घाट बनेकाछन ।। 
दुई-
जिउदो शरीर, के देख्यो मृत सरी 
कफन बाँधेर, मुर्दा भनेका छन । 
श्रदान्जली रे, सेल्फी लिदै लाश माथि
फेसबुकमा टास्न, हतारो बनेका छन ।। 
तीन- 
बा, आमा पनी, कती सस्ता
बिज्ञापन, फेशबुक भरी । 
बाचुन्जेल, बृद्धा आश्रम मा
सोदेनौ इच्छा, के छ मन भरी ।।
चार- 
आफु बुढा हुँदा, पस्चातापमा 
जलेर ऐले पिर बढायौ । 
बास होला नहोला बैकुण्ठ मा 
न पाउने पिन्ड चढायौ ।

रचना- कान्छा भाई (योन्जन) 
२२ नोवेम्बर २०१५

खुशी हरु !!!

खुशी हरु !!!

आज आकाश मा 
जुन उदाकै हो कि । 
औशी आउनु अगिको 
पुर्णे हुँदाकै हो कि ।

उज्यालो देख्छु 
मुहार उस्को । 
आशु झर्नु अगिको 
खुशी हुँदाकै हो कि ।

धपक्क बलेको छ 
आज दिप पनि किन । 
निभ्नु अगिको 
चिराग हो कि ।

खुलेर आकाश 
सम्प्तरङ्गी भा छ । 
बर्षात अगिको 
इन्द्रेणी हो कि ।

फक्क्रेर कोपिला 
आज फुल भा छ । 
शिशिर अगी को 
उन्माद हो कि ।

कोरी बाटी सिउदो भरेर 
लजाएर ऐना अगी । 
उघार्न नपाउदै लाजको घुम्टो 
आँशु अगिको खुशी हो कि । 
अनी फेरी !!!
उही त रहेछ जिन्दगी 
अहिले छ, एक्छिन्मा छैन । 
उफ !उफ!! उफ!!
अवाक्क भए म !!!

रचना- कान्छा भाई (योन्जन) 
२० नोवेम्बर २०१५

मेरो प्रेमिल स्पर्स

मेरो प्रेमिल स्पर्स 
तिम्रो प्रसब बेदना 
ब्याकुल छु म ।

लाचार प्रेम्को 
अन्त्यस्टी रात 
सोकाकुल जोडी ।

पिडा मेरो 
आशु तिम्रो 
लछ्राप्प भिजेको छु ।

माघे झरी 
झरेको आशु 
प्रेम्को जडौरी ।

कोइलिको कन्ठ 
रुझेको मन 
न्याउलिको रुलाई ।

खोलाको गीत 
बुढेउली मायाँ 
जङ्घार छुटेछ ।

रचना- कान्छा भाई (योन्जन) 
१८ नोवेम्बर २०१५

साथ दिन्छु भन्दै हुन्थ्यौ

गीत

साथ दिन्छु भन्दै हुन्थ्यौ, दिलको दाँया बाँया 
बाध्यता मा पर्यौ कि त, फिर्ता माग्यौ मायाँ । 
**********************************************
तिर्खाएको बगर मा बर्खे पानी पोखे सरी 
मेटी जाने होइन मायाँ बालुवा मा लेखे सरी । 
आफ्नै भन्थ्यौ हिजो सम्म, एका एक टाढा भयौ 
जान्छु पनि भनेनौ त, खै ! कुन शहर गयौ । 
साथ दिन्छु भन्दै हुन्थ्यौ,..............................!
बाध्यता मा पर्यौ कि त,.................................!
***************************************************
कि त, सम्झ्यौ लिलामी मा, बेची हिँड्ने मेरो मायाँ 
कि त, थियो झुटो संसार, कि त, तिम्रो झुटो मायाँ । 
भेटिन्नौ नी, आज भोली, छाम्दा दिल्को दाँया बाँया 
कि छौ तिमी अभर मा, कि त, पर्‍यो कस्को छायाँ । 
साथ दिन्छु भन्दै हुन्थ्यौ,................................!
बाध्यता मा पर्यौ कि त,..................................!

रचना- कान्छा भाई (योन्जन) 
१७ नोवेम्बर २०१५