मिल्छ भने प्रिती रोप्न थोरै दिलमा ठाउँ देउ

गजल छ माघ २०६७

मिल्छ भने प्रिती रोप्न थोरै दिलमा ठाउँ देउ
सक्छौ भने सिउँदोमा सिन्दुर को नाउँ देउ ।

घुम्दै आउँदा गाउँ बेशिमा रात पर्‍यो भने
बास माग्दा बलेसिमा सानु एउटा ठाउँ देउ ।

पिर जली मन सबै डढेलो ले खायो भने
छाप्रो हाल्न दिल भित्र सानु एउटा गाउँ देउ ।

तिम्रो लागि मेरो आँशु मुल्यहिन भए पनि
तराजुमा जोखी सही सानु एउटा भाउ देउ ।

साथ दिउँला हात दिउँला तिम्रो अगी पछी
मायाँ गरी बोलाउने सानो एउटा नाउँ देउ ।

अर्पण तामाङ (योन्जन)
तरहरा-२ सुनसरी
हाल दोहा कतार