गजल,गीत,कबिता

मेरो भन्नु

My photo
Itahari-20, sunasari, Nepal
मलाई थाहा छ साहित्य श्रीजना मेरो बसको कुरा होइन तै पनि काम को थकान मेट्न बसेको बेला होस या बिदा को बेला मनमा लगेको कुरा हरु कलमको सहायताले कोर्ने गरेको छु र त्यही मनका मेरा भाबना हरु लाई मैले साहित्य वा श्रीजना भन्ने गरेको छु ।त्यसो त साहित्य को खास साब्दिक अर्थ पनि मलाई थाहा छैन कबिता का छन्द हरु कस्ता हुन्छन कस्तो लय हरु दुवारा बाचन् गरिन्छ? कबिता का छन्द हरु गद्ध्य पद्ध्य कस्ता र त्यस्को प्रस्तुती के हो त्यो पनि थाहा छैन । अनी गजल हरुको शेर कहाँ बाट सुरु भएर कहाँ टुङ्गिन्छन त्यो पनि थाहा छैन शेर मतला कत्वा फर्द तखल्लुस आदी आदी धेरै नियम हरु म सङ्ग सरोकार राखने चिज वा बस्तु होइनन् किन कि मलाई त्यस सम्बन्धी ज्ञान नै छैन त्यसैले यदी मेरो थकाई र मन को पिर ब्यथा पोखने यि ठाउँ हरु लाई कही कतै गल्ती भये पनि मेरो गल्ती सच्चाएर पढि दिनु हुन्छ भन्ने आशा को साथ मेरो कमीकम्जोरी हरु औल्याइ मेरो मेल arpantamang46@yahoo.com / arpantamang045@gmail.com मा मलाई प्रतिकृया जनाइ दिनु हुन्छ र साहित्य शब्दको अर्थ र नियम हरु सिकाइ दिनु हुन्छ भन्ने आशा को साथ बिद हुन चाहन्छु जदौ ।

Sunday, August 28, 2022

कविता- आखिर केछ मेरो जातमा

तिमीले ओड्ने आकाश
र मैले बिछ्याउने धर्तिमा
के अन्तर छर ?
तिमी म हिंड्ने बाटोमा
थुक्दै, सराप्दै हिँड्छौ !?
तिमीलाई बिझाउने त्यस्तो
आखिर ! केछ मेरो जातमा ?।।
धर्म एउटै कर्म एउटै, देबिदेवता एउटै
तिम्ले फेर्ने मैले फेर्ने श्वास पनि एउटै
तिम्रो सेतो हुन्न, मेरो कालो हुन्न
हाम्रो रगत पनि एउटै !
तिम्लाई छुने मलाई छुने हावा
अनी, हाम्रो जगत पनि एउटै
फेरी पनि किन ?
तर्की हिड्छौ मलाई देख्दा
आखिर ! केछ मेरो जातमा ?।।
कुवा, धारा, पँधेरा यही हातले बनायो
मन्दिर, मस्जिद, चर्च र गुम्बा
सुन, चाँदी, हिरा मोती
भाँडा-बर्तन लाउने लुगा
मेरो जातले बनायो
तैपनी मलाई देख्दा दुत्कार्दै हँड्छौ
आखिर ! केछ मेरो जातमा ?।।
मलाई मेरो देश फेर्नु छैन
मलाई मेरो भेष फेर्नु छैन
मलाई मेरो माटो फेर्नु छैन
मलाई तिम्रो मेरो बाटो फेर्नु छैन
मलाई तिम्ले खाने मैले खाने आँटो फेर्नु छैन
मलाई मानबताको हात फेर्नु छैन
त्यसैले म मेरो जात किन फेरुँ ?
आखिर ! केछ मेरो जातमा ?।।

14, August 2022
Posted by at
Labels:

No comments:

Post a Comment

Subscribe to: Post Comments (Atom)