Posts
गजल-
भगवान छ भन्थे, खोइत बिपत्तिको बेला
देख्ने उनै हुन भन्थे खोइत आपत्तिको बेला ।
चर्क्यो छाती मेरो देशको धुजा धुजा भएर
दुखेर रुए म कहाँ छौर? मलमपट्टिको बेला ।
बरु लियौ चोला मनुस्यको संख्या गनी गनी
आएनौ निष्ठुरी भगवान हेर्न छट्पट्टिको बेला ।
कैले बाढी कैले खडेरी पठायौ बरु भुइचालो
एक मुट्ठी साश पनि दिएनौ खट्पट्टिको बेला ।
भो अब गर्दिन पूजा बनाउदिन तिम्रो मुर्ती
हेर्दैनौ भने आफ्नै सृस्टि बिबत्तिको बेला ।
अर्पण योन्जन
इटहरी -२४ तरहरा, हाल साउदीअरेबिया
