Posts
प्रिय काली-2
असिम मायाँको ठेलिहरु केवल तिम्रो लागि ।अनि यो भावसागर बाट कयौ अनुभुति हरुको मीठो चुम्बन ।
काली तिमिलाइ झै मायाको मिठा सम्बोधन हरुले पत्रहरुको सुरुवात त गर्नत आउदैन तर मलाइ यति मात्रै थाहाछ, तिमिलाइ तिम्रो पछ्यौरी समातेर संगै जिन्दगीका आरोह अनि अबरोह गल्छी हरु पार्न गर्न पाउ अफ्ठ्यारा घुम्ती अनि जंघार हरुमा तिम्रो मलमलको पछ्यौरिको सप्को छेउ समाएर संगै तर्न पाउँ बस भगवान संग यहि ठूलो भाकल छ भन्दै पत्रहरुको सुरुवात गर्छु है ल ।
प्यारो कलौटी, तिमिले प्रेमपुर्बक स्पर्श गरि कोरि पठाएको मायालु पत्र हिजो २७ मे २०२१ को दिउँसो टिआर अर्घाखाँची सरको स्पेस मार्फत सार्बजनिक स्थलमा २१ जना पन्चभलादमि हरु साँची राखेर समयमै प्राप्त गरे, थाहा छैन कलौटी तिम्रो पत्र शंन्देश पाएर म कति खुशी भए त्यस्को कुनै लेखाजोखा छैन बस यति मात्रै भन्छु कलौटी पत्र हरु संग शब्द हरु हैन तिम्रो आवाज हरु अनि तिम्रो आकृती पनि संगै आएको छ,
तिम्रो पत्र प्राप्त पछि फेरि उहीँ हाम्रो भेट उहीँ तिम्रो लजालु हेराइ र मुस्कानहरुको ताजा याद भएर आयो, साची तिमी हाम्रो पात्ले खेतको धान गोड्न आउदा लजाएर खाजा नखाइ तिमीले भोकै पेट दिनभरी काम गरेको याद आयो त्यही दिन सबैले तिमिलाइ मेरो नाम संग जोडेर जिस्काउदा अनुहार रातोपिरो हुँदै झुकाएको याद आयो, सायद भगवान्ले पनि यहि चाहानु भएको थियोकी वा तिमी जस्तो सुशील जिबनसाथी पाउनु मेरो अहोभाग्य थियो,
प्यारी यित भए तिमी संगको सुरुवाती दिनको भुल्नै नसक्ने जिबनका क्षणहरु, तर आज पनि साच्चै भन्नू हो भने हिजो जस्तो प्रेम थियो तिमी प्रती मेरो आज झन दोब्बर तेब्बर भएर आएकोछ, तर के गर्ने प्यारी मायाले सन्सार थाम्दैन भने जस्तै भोको पेटले प्रेम नभन्ने रहेछ त्यसैले तिम्रो न्यानो काख छोडेर परदेशको यो ४५ डिग्रीको तातो बाफमा हाम्रो खुशी हरु पूरा गर्न म आफ्नो श्रम बेचेर खुशी हरु धमाधम किन्दैछु तिमी पिर नगर्नु है म श्रम र पसिनाको मूल्य बोकेर चाडै आउनेछु ।
मैले तिमी प्रती कति शब्द खर्च गरौ कलौटी ? जति तिम्रो लागि खर्च गरे पनि अझै कमि नै महसुस हुन्छ जति इज्जत गरेपनी उतिनै कमि महसुस हुन्छ किनकी तिमिले मेरो सिन्दुर र पोते मात्रै ग्रहण गरेनौ मलाइ हाम्रो बंश धान्ने दुई सन्तानहरुको अमुल्य उपहार दियौ मेरो मात्रै हैन हाम्रो बंशको लागि यो भन्दा ठूलो योगदान र उपहार मेरो लागि अरु केही हुनेछैन।
थाहा छ कलौटी तिमी लाई ? सिरान घरे काकाको हातमा तिमीले पठाएको पार्सल गुन्द्रुक र सिन्की लाई आलुको तरकारी बनाएर खाँदा मैले सानो भाँडोको खाना र गुन्द्रुक सकिएको पत्तै पाइन,किनकी त्यहा तिम्रो कती मायाँ मिसिएको छ भन्ने कुरा म बयानै गर्न सक्दिन ।बस यती मात्र भन्छु साच्चै तिम्रो माया नै मीठो होकि या तिम्रो सम्झना, सबै तिम्रो हातहरुले छुएर पठाएको हरेक पार्सल हरुमा मलाइ लठ्ठ बनाउने एकप्रकार को जादु भेटाउछु लाटी ।
र अन्त्यमा ।
बस यो तातो गर्मीमा पनि तिम्रो आत्मीय प्रेम अनि तिमिले दिएको त्यो पारिवारिक सद्भाव मेरो लागि सदैब रिणि हुनेछ,
अ सांची तिमिलाइ एउटा कुरात भन्नै बिर्सिएछु तिम्रो मायालु पत्र पाएकै दिन मेरो जागिरको पदोन्नति भकोछ तिमिलाइ धेरै धेरै बधाइ, अनि मलाइ पनि, र तिम्रो कालेको बाको तर्फ बाट पुनश्च लाखौ चुम्बन सहितको मीठो प्यार सहित तिम्रो पत्रको जवाफी कार्यबाहिको प्रतीक्षा सहित आजलाइ यो आधुनिक कम्प्युटरको किइबोर्ड हरुको निप बन्द गर्दछु ।
उहीँ तिम्रो कालेको बा ।
पारिजात ।
